எருக்கு செடியின் மருத்துவ பயன்கள்

எருக்கு பால் உள்ள செடியினம். இதன் எருக்கம் பூ, பட்டை, இலை, பால் ஆகியவை மருத்துவ பயனுடையது. பித்தம், வீக்கம் போன்றவற்றிற்கு சிறந்த மருந்தாகும். இலை நச்சுக்களை நீக்கும், வாந்தியை உண்டாக்கும்.

எருக்கு மருத்துவ பயன்கள்

• நீண்ட நாட்களாக ஆறாத புண்களுக்கு எருக்கு இலையை காயவைத்து பொடியாக்கி தேங்காய் எண்ணையுடன் கலந்து போட்டு வர புண்களை ஆறும்.
• எருக்கன் இலைச்சாறு 3 துளிகள், தேன் 10 துளிகள் சேர்த்து கலந்து கொடுக்க வயிற்றுப்புழுக்கள் வெளியாகும்.
• மலச்சிக்கல் இருந்தால் 30மிலி விளக்கெண்ணெயில் எருக்கன் இலைச்சாறு 3 துளி விட்டு சாப்பிட மலம் இளகி மலச்சிக்கல் தீரும்.
• எருக்கன் இலைச்சாறு 50மிலி எடுத்து அதில் பெருங்காயம், இலவங்கம், பூண்டு, வசம்பு ஆகிய ஒவ்வொன்றிலும் 5 கிராம் அளவு அடுத்து போட்டு காய்ச்சி இறக்கி வடிகட்டி வைத்துகொள்ளவும். காதுவலி, காதில் சீழ் வடிதல் போன்றவற்றுக்கு சில துளிகள் காதில் விட குணமாகும்.

வெள்ளெருக்கு பூ பயன்கள்

• வெள்ளெருக்கு பூ – 100 கிராம் ( உலர்ந்தது )
• மிளகு – 50 கிராம்
• இலவங்கம் – 10 கிராம்
• குங்குமப்பூ – 10 கிராம்
• கோரோசனை – 10 கிராம்

இவற்றை அனைத்தையும் ஒன்றாக அரைத்து மிளகு அளவு எடுத்து தேனில் கலந்து காலை, மாலை என 48 நாட்களுக்கு சாப்பிட ஆஸ்த்துமா, இருமல், காசம், ஜன்னி குணமடையும்.